Nakab-ot ni Filipina tennis sensation Alex Eala ang iyang pinakataas nga pwesto sa Women’s Tennis Association (WTA).
Sa kasamtangan, anaa na sa ika-70 ang ranggo ni Eala human midaog sa unang round, batok kang Victoriya Tomova gikan sa Bulgaria sa ilang dula sa Mutua Madrid Open.
Ang iyang historical win batok sa world No. 1 Iga Swiatek sa Miami Open niadtong Marso nagdala kaniya ngadto sa semifinals sa WTA1000 tournament, og usa kini ka dakong kalampusan sa natad sa tennis sa Pilipinas aron masiguro ang iyang pwesto sa WTA Top 100.
Si Eala gilauman nga mahilakip sa Italian Open gikan Mayo 6 hangtod 18 ning tuiga, din posible nga makigsangka kini sa mga top players sama ni Jessica Pegula ug Madison Keys.
Gawas pa niini, si Eala mahilakip usab sa prestihiyosong Roland Garros (French Open) gikan Mayo 25 hangtod Hunyo 8 ning tuiga.