Dili uyon ang political analyst nga si Atty. Edward Chico sa mga pamahayag nga “huyang” ang impeachment complaint nga gipasaka batok kang Presidente Ferdinand “Bongbong” Marcos Jr.
Matud pa ni Atty. Chico, mga espekulasyon lamang ang pagsaway sa mga kritiko tungod kay insakto ang mga rason ug ebidensya nga gilakip ni Atty. Andre de Jesus sa maong reklamo.
Lakip sa mga isyu nga gihisgutan mao ang pagpadakop kang kanhi Presidente Rodrigo Duterte, ang wala pag-veto sa unprogrammed funds ug ang kontrobersya sa mga flood control projects.
Giklaro usab ni Atty. Chico nga seryoso ang tumong sa reklamo nga patubagon ang Presidente ug wala kini gihimo aron lang gamiton ang one-year bar rule o ang balaod nga nagdili sa pagpasaka og laing impeachment sulod sa usa ka tuig.
Bisan pa niini, giangkon sa abogado nga sa katapusan, ang dagan sa maong reklamo magdepende gihapon sa numbers game o sa botasyon sa Kamarabaha, sama sa uban nga mga politikal nga proseso sa nasud.