Nagpagawas ang abogado ni Anne Curtis-Smith, ang law firm nga Gorriceta, Africa, Cauton, & Saavedra, og usa ka opisyal nga pahayag alang sa pagkondena sa mga law-ay ug “objectifying” nga mga pulong nga giluwatan ni Quezon City 4th District Representative Jesus “Bong” Suntay atol sa usa ka congressional committee hearing.
Giila sa maong legal team ang mga komento sa kongresista nga dili angay sa usa ka pormal nga pundok.
Gihatagan og gibug-aton sa mga abogado ang maayong reputasyon ni Anne isip usa ka propesyonal ug respetadong personalidad sa publiko.
Gisugyot usab sa legal team niini nga walay bisan kinsa nga babaye, ilado man ang angay nga pakaulawan o bastoson pinaagi sa mga sexual remarks, ilabi na sulod sa usa ka pormal nga proseso sa Kongreso diin angay unta nga magpabilin ang respeto.