Gipasalig sa kapulisan sa Malaybalay City nga andam na ang ilang deployment plan alang sa pagpaniguro sa seguridad sa katawhan sa umaabot nga pagsaulog sa Undas.
Matud ni PCOL Ariel Philip I. Pontillas, Officer-in-Charge sa Malaybalay City Police Station, gipahigayon na sa miaging semana ang pre-meeting uban sa tanang hepe sa kapulisan sa Bukidnon aron susihon ug ebalwasyonan ang ilang tagsa-tagsa ka deployment plan.Â
Gilauman nga magsugod ang pagdeploy sa mga kapulisan sa Oktubre 31 aron masiguro ang kalinaw ug kahapsay sa mga sementeryo ug sa mga lugar nga gilauman nga daghan ang mga tawo panahon sa Undas.Â
Gipahimutang na sa Malaybalay City Police Station ang mga kapulisan sa tanang sementeryo sa siyudad isip kabahin sa pagpalig-on sa seguridad alang sa umaabot nga Undas.
Matud ni PCOL. Pontillas, andam na ang ilang deployment plan, diin suportahan kini sa lokal nga kagamhanan pinaagi sa paghatag og mga barangay tanod ug uban pang non-government organizations (NGOs) nga motabang isip force multipliers.