Gikumpirma ni Rutchelle Galia, tigpamaba sa DSWD Region 10, nga kasamtangang gihunong ang pagrelease og government funds o bisan unsa nga klase sa ayuda ngadto sa katilingban sama sa AICS ug ACCUP, TUPAD, ug uban pa.
Namugna ang maong pamahayag human sa nagkatag nga isyu sa pagpanghatag og ayuda sa dakbayan sa Cabanglasan.
Sumala ni Galia, ang maong mando naggikan sa Comission on Election diin walay mahitabong distribusyon sa pay-out o bisan usang matang sa assistance gikan sa DSWD sulod sa napulo ka adlaw. Sumala ni Mayor Bullecer , dili siya dali mohatag og komento, ilabi na og gikan sa social media.
Apan, sa higayong moabot na kini sa legal nga proseso, andam matud pa kining motubag ug moatubang sa isyu. Hinoon, wala niini gilimod ang posibilidad nga dunay ayuda nga gipanghatag niadtong adlawa, ug mipahayag nga andam kini mosabot og motubag sa isyu human sa piniliay.
Nasayrang gipaagi og job order ang pagpanghatag og ayuda diin nakadawat og tag P2K ang matag usa nga nahilakip sa listahan.