Nasikop sa usa ka police operation ang usa ka 60-anyos nga lalaki nga giingong responsable sa kamatayon diin adunay kasong giatubang nga reckless imprudence.
Ang suspek giila nga si Jimmy Paerat Tagaylo, residente sa Purok 2, Barangay Buenavista, Baungon,ning lalawigan diin nadakpan niadtong milabay nga adlaw didto sa Purok 4, Barangay Imbatug sa gihimong operasyon sa mga sakop sa Baungon Municipal Police Station (MPS) nga gipangulohan ni PMAJ. MELCHOR D. SARAUS JR, Chief of Police.
Si Tagaylo naghupot sa kasong Reckless Imprudence Resulting in Homicide ilawom sa Article 365 sa Revised Penal Code, diin adunay girekomenda nga piyansa nga nagkantidad sa ₱30,000.
Gipadayag ni PCOL JOVIT L. CULAWAY, Provincial Director sa Bukidnon Police Provincial Office, nga ilang gihisgutan ang importansya sa suporta sa komunidad, nga maoy susi aron mapadayon ang kahusay ug kalinaw sa probinsya sa Bukidnon.
Ang nadakpan paslak na karon sa bilangguan sa Baungon MPS.