6 ka indibidwal, patay sa sunog sa shopping mall sa Pakistan

Unom ka indibidwal ang namatay ug 20 ang naangol human sa sunog nga nahitabo sa usa ka shopping mall sa Karachi, Pakistan.

Nahitabo ang insidente kaniadtong Sabado sa gabii sa Gul Plaza shopping mall, diin miabot og kapin sa 10 ka oras aron hingpit nga makontrol ang sunog.

Sigon ni South Deputy Inspector General Syed Asad Raza, nga adunay 1,200 ka mga shops ang anaa sulod sa maong mall.

Base sa inisyal nga imbestigasyon sa mga otoridad, nagsugod ang sunog tungod sa short circuit sa linya sa kuryente.

Kasamtangang padayon pa ang mga otoridad sa pag-imbestigar sa maong insidente samtang nagpaalim pa ang mga naangol nga biktima.