Gipasiguro ni Philippine National Police (PNP) Chief Gen. Torre III nga sulod sa lima (5) ka minuto makaresponde ang kapulisan sa mga emerhensiya pinaagi sa 911 emergency hotline.
Sa usa ka pamahayag ni Gen. Torre, gisiguro na matud pa sa PNP ang pagpalig-on sa ilang koordinasyon ug katakos sa pagresponde sa tanang matang sa krisis o emerhensiya, ilabina sa mga lugar nga taas ang crime rate.
Dugang pa niini, lakip sa maong kalihukan ang dili paglapas sa lima ka minuto nga pag-abot sa kapulisan sa lugar sa insidente human sa tawag sa 911. Kinahanglan madali ang aksyon aron malikayan ang hilabihan nga kadaot o krimen.
Gisuportahan kini pinaagi sa pagbutang og dugang nga mobile patrols, real-time monitoring, ug pag-upgrade sa communication systems sa tanang police stations sa tibuok nasud.
Ang 911 emergency hotline usa ka libreng serbisyo sa publiko nga nagatugot sa dali nga pagsumbong sa krimen, aksidente, sunog, ug uban pang emerhensiya.
Gi-awhag usab sa PNP ang publiko nga gamiton lang ang 911 alang sa tinuod nga emerhensiya ug likayan ang pagbugal-bugal.