Labing menos 49 ka mga tao ang nakabsan sa kinabuhi human ang usa ka baruto nga ilang gisakyan mitagilid ug nalunod sa amihanan-kasadpan sa nasud sa Africa sa Mauritania.
Sumala sa mga coastguard sa Mauritanian, adunay gibana-bana nga 100 ka uban ang nawala, diin 17 ang naluwas ug nagpadulong sa Canary Islands sa Spain.
Base sa imbestigasyon sa mga otoridad, sakay sa dugout canoe ang mga biktima ug padulong sa Canary Islands sa Spain.
Usa ka survivor ang miluwat nga ang baruto miabot gikan sa The Gambia sa miaging semana.
Gibana-banang ang kinatibuk-ang ihap sa mga pasahero anaa sa 160, diin kadaghanan kanila mga Gambian ug Senegalese nationals.
Kahinumdoman nga sa miaging tuig, mga 47,000 ka tao ang nakaabot sa Canary Islands ug gibanabana nga 9,000 ka migrante ang nangamatay gumikan gitinguha nga makaabot sa maong isla.