Samaran ang upat ka tawo human sa pagkahagsa sa usa ka Cessna 172 nga eroplano sa Iba, Zambales.Nahitabo ang insidente gahapong adlawa Hulyo 11, sa kabukiran sa Purok 4, Sitio Corocan, Barangay Lipay Dingin Panibutan.
Giila ang mga biktima nga mao sila si flight instructor Capt. Jacques Robert Papio ug ang iyang mga estudyanteng piloto nga sila si Angelo Josh Quinsayas, Kisses Nunez Althea, ug Jericho Bernardo Palma.Matod ni P/Brig. Gen. Jason Capoy, Director sa PNP Aviation Security Group, ang eroplano kay gipanag-iya sa Skyaero Trade nga nakabase sa Zambales.
Base sa imbestigasyon sa mga otoridad, misugod og take-off ang eroplano alas 8:57 sa buntag ug nahitabo ang pagkahulog niini alas 9:30 sa buntag.Gidala ang mga samaran nga biktima sa Ramon Magsaysay Hospital ug karon anaa na sila sa maayong kahimtang. Gisiguro usab ni CAAP Director General Raul Del Rosario nga magpahigayon sila og lawom nga imbestigasyon kabahin sa maong insidente.