3 ka tuig na gubat tali Ukraine ug Russia, hingpit ng matapos sigon sa USA

Miabot na si US Secretary of State Marco Rubio sa Turkey alang sa paghusay sa Ukraine ug Russia.

Pagahimuon ang usa ka informal meeting mahitungod sa mga North Atlantic Treaty Organization (NATO) foreign ministers.

Pagahisgutan usab ang mga inisyatiba sa pagpatuman sa ceasefire sa duha ka mga nasud.

Kauban sa panagtapok si Syrian Foreign Minister Asaad Al- Shaibani.

Sa pikas bahin, matud ni Ukrainian President Volodymyr Zelensky, musalmot lamang kini sa maong panagtapok og masiguro nga ang lider sa Russia nga si Vladimir Putin makasalmot usab.

Gilaumang madayon ang maong panagtapok aron hingpit na nga matapos ang kapin 3 ka tuig na nga gyera sa Ukraine ug Russia.