Gihatod na sa katapusang pahulayanan ang tulo ka miyembro sa pamilyang Andohon nga namatay sa masaker nga nahitabo sa Purok-11, Barangay Managok, Malaybalay City.
Kapin usa na ka semana sukad sa krimen, apan, wala pa gihapon makab-ot ang hustisya sa nahitabong krimen.
Bisan og nagpagawas na og cartographic sketch ang kapulisan sa posibleng nawong sa suspetsado, wala pa gihapon masulbad ang kaso.
Naglaum ang mga otoridad nga pinaagi sa maong sketch, dali rang maila ug madakpan ang responsable.
Gipadayag sa kapulisan nga padayon ang imbestigasyon sa pagkuha og mga ebidensya aron masiguro nga mapasakaan og kaso ang suspetsado.
Giawhag usab ang katawhan sa pagtabang alang sa mga dunay impormasyon nga makatabang sa pagsulbad sa krimen ug paghatag hustisya sa mga biktima, mamahimong makigkoordina sa kapulisan pinaagi sa pagtawag o pagtext sa numerong 09268218803.