Hugot nga gipatuman karun sa kapulisan ang manhunt operation batok sa gitumbok nga person of interest kon (POI) sa pagpamusil patay sa usa ka negosyante sa Valencia City, niadtong milabayng adlaw.
Ang biktima nailhan nga si Michael Cloma Actub, 45 anyos, minyo, ug residente sa Purok-6, Barangay Batangan, Valencia City.
Sumala sa report sa kapulisan, nakaangkon og samad pinusilan ang biktima human gipusil sa duha ka wala pa mailang suspek nga dayong miikyas paingon sa Guinoyoran Road sakay sa usa ka motorsiklo.
Sa pakighinabi sa Bombo RAdyo Malaybalay ngadto kang PLtCol. Brayan Panganiban, hepe sa Valencia City Police Station, gibutyag niini nga padayon ang imbestigasyon ug pagpangita sa suspek nga nagpaluyo sa maong krimen. Gikabutyag usab sa pipila ka kaila sa biktima nga posibleng motibo sa krimen may kalabotan sa kasina ug panagbangi nga may kalabotan sa iyang negosyo.
Lakip na usab ang personal nga relasyon niini ngadto na sa bag-ong kaubang babaye. Dali nga gidala sa pinakaduol nga ospital ang biktima apan gideklara kining dead on arrival.
Sa pikas bahin, gipasigarbo niini nga hingpit sa paghatod ug pagbarog ang mga kapulisan sa ilang mandato lakip ang kalampusan nga nagnegatibo ang resulta sa drug testing ang tanang kapulisan sa syudad.