Masaligon ang Malacañang nga makapasar sa legal nga pagsusi ang 2026 General Appropriations Act bisan pa man sa mga plano sa pipila ka mambabalaod nga kuwestYUnon kini sa Korte Suprema.
Matod ni Usec. Claire Castro katungod nila ni Congressman Edcel Lagman ug uban pang mga opisyal ang pagdangop sa Korte Suprema kon sila nagtuo nga adunay mga bahin sa budget nga supak sa Konstitusyon.
Ang gikahadlokan sa mga mambabalaod mao ang Unprogrammed Fund appropriations diin gitun-an na ni Cong. Lagman ang pagpasaka og petisyon bisan pa man sa pagkunhod sa maong pondo.
Sa laing bahin gipahayag ni Rep. Leila de Lima nga dili igo ang pagkunhod lamang sa pondo tungod kay para sa ilaha, nagpabilin kining “unconstitutional”.
Gipasalig ni Usec. Castro nga human sa makuting pag-review sa Malacañang, nagpabilin ang ilang pagtuo nga walay nalapas nga balaod sa pagpanday sa 2026 National budget andam usab ang administrasyon nga mutubag kon ugaling madayon ang pagpasaka og petisyon sa korte ug maghulat na lamang sa mamahimong desisyon niini.