Nasikop ang duha ka indibidwal sa managlahing operasyon batok sa ilegal nga droga dinhi sa lalawigan sa Bukidnon.
Sa Quezon, nadakpan ang 28-anyos nga lalaki sa buy-bust operation sa Barangay Kiburiao ug nasakmit ang 0.5 gramo nga gituohang shabu nga nagkantidad og P3,400, samtang sa Damulog, nadakpan usab ang laing 28-anyos nga lalaki sa Barangay Poblacion ug nakuha gikan niini ang 0.3 gramo nga gituohang shabu nga nagkantidad og P2,040.
Lakip sa mga ebidensya nga nasakmit ang mga sachet sa gituohang shabu, buy-bust money, ug ubang personal nga butang nga gigamit isip sudlanan.
Giandam na ang kaso batok sa mga suspetsado tungod sa paglapas sa Section 5 ug 11, Article II sa Republic Act No. 9165, kon Comprehensive Dangerous Drugs Act of 2002.