17 patay sa sunog sa Hyderabad City sa India

Patay ang 17 ka mga tawo samtang daghanan sab ang samaran human masunog ang usa ka dakbalay sa Hyderabad City sa habagatang bahin sa India.

Hinoon, gilayong gidala sa balay tambalanan ang mga biktima nga nahitabo duol sa Charminar monument.

Sumala kang Federal Minister ug Bharatiya Janata Party leader G Kishan Reddy nga nasugod ang sunog gumikan sa short circuit.

Subay sa inisyal nga imbestigasyon, muabot sa 31 ka mga tawo ang anaa sa sulod sa 3 ka andana sa dakbalay sa dihang nagsugod ang sunog.

Miabot sa dul-an usa ka oras ayha nga hingpit napalong ang maong sunog.