17 ka mga tawo gipasakahan og kaso human nga nahugno ang condo sa Myanmar gumikan sa kusog nga linog

Gipagawas sa korte sa Thailand ang mando sa pagdakop batok sa 17 ka tawo nga nalambigit sa pagkaguba sa usa ka 30-ka-andana nga dakbalay human sa kusog nga linog niadtong Marso.

Ang maong dakbalay nga gitukod alang sa State Audit Office, naguba human mitay-og ang magnitude 7.7 nga linog nga nabati usab sa Myanmar.

Sa maong trahedya, 89 ka patayng lawas ang nakuha gikan sa pagkahugno sa maong establesyemento samtang pito pa ang wala pa makit-i. Ang warrant of arrest gipaguwa batok sa mga nagdesinyo, nagtukod, ug supervisor sa condo.

Lakip sa mga gipadakop mao si Premchai Karnasuta, usa ka iladong negosyante ug kanhi presidente sa Italian-Thai Development, usa sa mga pinakadakong construction firms sa Thailand.