Mibutyag si PLTCOL Rogelio Pineda, Jr, Provincial Chief sa CIDG, nga usa sa ilang gitutukan ang mga flagship program sama sa “oplan pagtugis”, nga nagtinguha sa pagpangdakop sa mga wanted nga kriminal nga dunay outstanding warrants of arrest.
Kini nga programa dunay tumong sa pagpangita, pagsubay, ug pagdakop sa mga tawo nga miikyas sa balaod.
Lakip usab ang “oplan panlalansag omega”, usa ka kampanya nga gipangunahan sa Criminal Investigation and Detection Group (CIDG) sa Pilipinas, nga nagtinguha sa pagwagtang sa mga loose firearms ug private armed groups aron mapugngan ang krimen ug mapalig-on ang kalinaw sa nasud.
Ang operasyon naglakip sa mga lugar nga dunay taas nga insidente sa ilegal nga armas ug mga armado nga grupo. Kini nga mga flagship program nga gipahigayon sa kapulisan sa probinsya, miresulta sa pagkasikop sa 14 ka top most wanted persons sa Bukidnon.