100-anyos nga lola, exercise ug bino ang sikreto sa taas nga kinabuhi

Nag-viral sa social media ang usa ka 100-anyos nga giila nga “Super Lola” tungod sa iyang kadasig sa pag-ehersisyo bisan pa sa iyang edad.

Gikatakdang saulogon niya ang iyang ika-101 nga adlawng natawhan karong Pebrero 28. Sumala sa uploader sa video, lakip sa iyang “maintenance” ang pag-inom og energy drink sa buntag, pagkaon og oats sa hapon, ug beer o bino kung adunay espesyal nga okasyon.

Daghang netizens ang nalingaw ug nadasig sa iyang kalagsik, ug nagtan-aw kaniya isip inspirasyon sa mas aktibong pamaagi sa kinabuhi.