Padayon ang protesta sa katawhan sa Indonesia human masuta nga ang mga mambabalaod nakadawat og tinubdan nga housing allowance nga labaw sa minimum wage sa Jakarta.
Mas milawom pa ang kalihukan sa katawhan human sa pagkamatay sa 21-anyos nga delivery driver nga naipit ug naligsan sa police armored vehicle atol sa demonstrasyon.
Ang protesta mitakdo sa dagkong siyudad sa nasud sama sa Bandung, Surabaya, Yogyakarta, Makassar ug Medan, nga nakaapekto sa mga OFWs.
Sa eksklusibong pakighinabi sa Bombo Radyo Malaybalay kang Dr. Angel Esmeralda, Professor sa Nusa Putra University sa Sukabumi, Indonesia. ug Bombo International News Correspondent, gibutyag niini nga miabot na sa napulo ang ihap sa mga namatay.
Usa sa ilang gipasiugda nga protest ang pagdala og silhig isip simbolo sa ilang panawagan sa pagpahawa ug paglimpyo sa korapsyon ug pagpang-abuso sa gahum.
Gibanabana nga misaka sa milyon-milyon ka dolyar ang damyos sa ekonomiya tungod sa mga sunog, kagubot ug panikas nga nahitabo atol sa protesta.