Lima ka Overseas Filipino Workers (OFWs) ang nadakpan sa Saudi Arabia human masakpan sa pagpangawat ug nakuhaan og ilegal nga droga.
Sa exclusibong pakighinabi kay Nicole Bedtao, Bombo International News Correspondent sa Saudi Arabia, ang lima ka Pilipino gi-report nga misulod sa usa ka panimalay aron mangawat, apan nasapon kini mismo sa tag-iya sa balay.
Nakuhaan ang mga suspek og ginadudahang illegal nga droga, lakip na ang shabu. Dugang pa ni Bedtao, gi-monitor na diay sa kapulisan ang maong grupo tungod sa mga report nga kini sila may kalambigitan usab sa mga insidente sa pagpang-snatch sa maong dapit.
Sa balaod sa Saudi Arabia, ang pagkadakpan nga adunay kalambigitan sa illegal nga droga mahimong mosangpot sa silot nga kamatayon. Bisan pa man niini, padayon pa ang imbestigasyon sa kaso.Sa labing ulahing impormasyon, nakig-koordinasyon na ang Philippine Embassy sa Riyadh ug ang Department of Foreign Affairs (DFA) sa Manila aron masiguro ang hustong proseso ug proteksyon sa mga nadakpan