Gipalig-on pa sa daghang mga nasud sa Europe ang dugang suporta alang sa Ukraine.
Mibisita ang Presidente sa Ukraine nga si Volodymyr Zelensky sa United Kingdom ug nakigkita kang Prime Minister Keir Starmer, French President Emmanuel Macron, ug German Chancellor Friedrich Merz.
Gihisgutan niini ang bag-ohay lamang nga peace plan sa Ukraine nga gipresentar atol sa pakigpulong ni Zelensky sa US.
Samtang nagpadayag usab ang mga lider og kabalaka kabahin sa ceasefire nga gikaingong wala’y kasiguradohan ang seguridad sa Ukraine.
Sa wala pa ang pakigpulong ni Zelensky, giakusahan kini sa Presidente sa US nga si Donald Trump nga wala magbasa sa unod sa maong sugyot.
Sa laing bahin, si Starmer, miinsistir usab nga hugot nilang suportahan ang Ukraine.
Sa umaabot nga mga adlaw, si Zelensky mobiyahe sa Roma aron makigkita sa Italian PM Giorgia Meloni.
Giangkon ni Zelensky nga ang panaghiusa tali sa US, Europe, ug Ukraine usa ka krusyal nga hisgutan.