Pasakahan og kaso sa National Bureau of Investigation (NBI) karong Miyerkules ni Senadora Risa Hontiveros si alyas ‘Rene’.
Ang maong indibidwal gikaingong miatras sa pagtestigo ug miusab sa iyang pamatuod sa mga pagdungog kaniadto kabahin sa isyu sa pagpanamastamas ni Pastor Apollo Quiboloy.
Ang maong lakang ni Hontiveros silbi tubag human mikaylap ang usa ka video diin makita si alyas Rene nga giakusahan ang senadora nga mibayad matud pa kini og ₱1 milyon aron mutestigo batok kang Quiboloy, lakip na sila kanhi Presidente Rodrigo Duterte ug si Bise Presidente Sara Duterte.
Giinsister ni Hontiveros nga bakak ug malisyoso ang mga akusasyon ni Rene, ug dili kini pasagdan gumikan sa gibug-aton sa mga isyu nga gikalambigitan niini ilabi na nga kini nagsuway pag-usab sa direksyon sa imbestigasyon ug nangayo og hustisya ang mga biktima sa mga giingong pagpangabuso.
Sa iyang pahayag, giingon sa senadora nga kinahanglan atubangon ni Rene ang pagdungog pinaagi sa pormal nga pagpasaka og kaso sa NBI aron maltud pa maprotektahan ang integridad sa imbestigasyon ug mahatagan og hustisya ang mga biktima.
Samtang sa pikas bahin, mipresenta usab ang senadora og mga resibo nga nagpakita sa pagsupak sa pamahayag ni Michael Maurilio nga kini gipugos matud pa sa pagpamatuod batok sa detinado nga lider sa relihiyon nga si Pastor Apollo Quiboloy.
Si Maurilio usa sa 14 ka mga testigo ug kanhing miyembro sa Kingdom of Jesus Christ (KOJC) nga mitumaw aron ibulgar ang giingong mga pag-pangabuso nga gihimo ni Quiboloy ug sa grupo nini.