Gipasakaan sa Washington DC og kaso ang US federal government human sa pag-takeover sa ilang pwersa sa kapulisan.
Matud ni City Attorney General Biran Schwalb, illegal ang pag-angkon sa US government sa kontrol sa Metropolitan Police Department (MPD) ug gikaingong giabuso ang temporaryo ug limitadong otoridad nga anaa ilawom sa balaod.
Sa maong gipasaka nga reklamo, nangayo sila sa hukom nga bawi-on ang mando ni US Attorney General Pam Bondi ug pugngan ang head sa DEA nga molingkod sa puwesto.
Kahinumduman nga gi-deklara ni US President Donald Trump nga gamiton ang federal law enforcement aron pakgangon ang krimen sa Washington.
Sukad kaniadto, nagpadala na kini og gatusan ka National Guard members ug ubang federal agents aron limpyohon ang homeless encampments, magpahigayon og checkpoints, ug uban pang lakang aron maminusan ang krimen.