Gibutyag sa Bureau of Customs (BOC) nga walo sa 12 ka luxury cars sa magtiayong contractors nga sila si Sarah ug Pacifico Discaya walay entry records sa Pilipinas. Gihatagan usab sa BOC ang magtiayon sa 10 ka adlaw aron ipakita ang ebidensya nga husto nga nabayran ang mga buhis sa ilang mga luxury cars.
Matod ni Customs Commissioner Ariel Nepomuceno, posible nga mag-atubang ang pamilya Discaya sa mgaa kaso kung mapamatudan nga smuggled ug adunay gi-lapas sa balaod ang maong luxury cars. Dugang pas BOC gusto niini masiguro nga lig-on ang ilang inisyal nga imbestigasyon nga kaya nilang tindugan sa korte.
Giplano na usab sa BOC nga mangayo sa search warrants alang sa uban pang sakyanan sa Discaya nga giangkon ni Sarah nga 28 kabuok, apan gipadayag ni Senate Pro Tempore Jinggoy Estrada nga base sa record sa Land Transportation Office adunay 40 ka high-end nga sakyanan.