Gipadayag ni Batangas 1st District Rep. Leandro Leviste nga walay tinuod nga bidding sa mga proyekto sa Department of Public Works and Highways (DPWH) sa unang distrito sa Batangas. Sumala ni Leviste, gipamatud-an sa district engineer nga si Abelardo Calalo nga ang kongresista mismo ang mopili sa contractor nga naghatag og “SOP” o kickback.
Nasikop si Calalo human motanyag sa P3.1M cash aron hunongon ang imbestigasyon ni Leviste sa mga proyekto. Gibutyag ni Leviste nga ang mga kickback gikan sa flood control ug road projects posibleng molapas sa P1B sulod sa tulo ka tuig.
Dugang pa niini, mas dagko pa ang nalambigit sa korapsyon ug girekomenda nga mahimong state witness si Calalo. Giandam na usab sa Kamara ang imbestigasyon batok sa mga anomalya sa DPWH ug koneksyon niini sa pipila ka kongresista lakip usab sa kontraktor.