Gikumpirma ni Vice President Sara Duterte nga nahilakip ang iyang ngan sa posibleng arestuhon sa International Criminal Court.
Sumala pa sa bise nga lakip sab sa listahan sa ICC ang ngan nila ni Sen. Ronald Dela Rosa kansa kanhing hepe sa PNP ug maoy hugot nga nagpatuman sa war on drugs campaign ni kanhing Pangulong Duterte.
Gani, anaa sab sa listahan sila Sen. Christopher ‘Bong’ Go, kanhing PNP Chief Oscar Albayalde, Gen. Vicente Danao ug Gen. Romeo Caramat.
Nakabalo na daan pa si Vice Pres. Duterte sa maong listahan gumikan sa sige niya og balik-balik sa pagbisita sa iyang amahan sa detention facility, miabot matud pa ang higayon nga mangilabot ug maminaw na matud pa ang mga personahe sa ICC.
Dako ang pagtuo niini nga buot makabalo ang ICC sa plano sa ilang kampo. Kahinumdumang giaresto si kanhi Pang. Duterte niadtong Marso 11 ning tuiga ug gidala sa susamang adlaw sa The Hague Netherlands gumikan matud pa sa kasong crimes against humanity.Â