Nagpahamtang og sangksyon si US President Donald Trump batok sa upat ka mga huwes sa International Criminal Court (ICC).
Kini human nga nalamabigit sa mga imbestigasyon ug pag-isyu og arrest warrant batok sa mga lider sa Israel, lakip na ang Prime Minister nga si Benjamin Netanyahu ug ang kanhi Defense Minister nga si Yoav Gallant, gumikan sa mga alegasyon nga giyera sa Gaza.
Ang mga sanksyon naglakip sa pag-freeze sa ilang mga asset nga anaa sa hurisdiksyon sa US.
Ang mga target nga huwes mao sila Solomy Balungi Bossa, Luz del Carmen Ibáñez Carranza, Reine Adelaide Sophie Alapini-Gansous, ug Beti Hohler.
Sumala sa US, ang mga aksyon sa ICC walay lehitimong basehan ug naglapas sa ilang soberaniya ug sa kaalyadong nasud sa Israel busa nalapas usab niini ang balaudnong internasyonal nga kasabutan.
Ang mga sanksyon nagpahimangno sa padayon nga tensyon tali sa Estados Unidos ug sa International Criminal Court, nga nagtan-aw sa mga isyu sa hurisdiksyon ug accountability sa internasyonal nga lebel, samtang padayon usab ang proseso sa desisyon ni Trump batok sa ICC.