UN Chief Guterres, nanawagan nga hunongon na ang giyera batok sa Iran

Nanawagan pag-usab si UN Secretary- General Antonio Guterres sa Estados Unidos ug Isarael nga tapuson na ang giyera batok sa Iran.

Gipasidan-an ni Guterres  nga ang maong panagbanggi wala na sa kontrol ug naghatag og hulga sa kalibutanong ekonomiya ug kalinaw. 

Gimandoan usab sa UN Chief ang Iran nga hunongon ang pagpang-atake sa mga silingan nasud ug likayan ang pagsira sa Strait of Hormuz nga makaapekto sa suplay sa lana sa tibuok kalibutan.

Isip lakang alang sa kalinaw, gitudlo ni Guterres si Jean Arnault isip Personal Envoy  aron mangulo sa negosasyon tai sa mga nasud nga nalambigit sa maong giyera.