Mihunong sa trade negotiations ang United Kingdom uban sa Israel samtang mitaas ang international pressure nga undangon ang blockade sa Gaza ug ang bag-ong opensiba sa militar.
Sumala pa ni David Lammy, UK Foreign Secretary nga dili maka tarongan ang aksyon sa Israel. Gibasol usab niya ang pagpugong sa humanitarian aid sulod sa 11 ka semana, nga hinungdan sa gutom sa daghang residente.
Ang UK mikasa og sanctions batok sa tulo ka indibidwal ug upat ka mga entity nga nalambigit sa mga pang-abusong gihimo sa mga Israeli settlers sa West Bank. Gisaway sab sa UK ang plano sa gobyerno ni Netanyahu nga kuhaan og kontrol ang tibuok Gaza Strip.Sa Gaza, padayon ang kagutom ug krisis sa tubig.
Matod sa UN, usa sa lima ka tawo sa Gaza ang nag-atubang og gutom og posibling mamatay Bag-ohay lang, lima ra ka aid trucks ang gitugotan nga mosulod sa lugar diinlayo ra sa 500 trucks kada adlaw nga gikinahanglan. Gikondena sa Israel ang desisyon sa UK, nga ilang gitawag nga dili maka taronganon apan nagpadayon ang internasyonal nga panawagan nga hunongon ang mga abuso ug pasudlon ang igong tabang sa Gaza.