Gikumpirma sa Department of Justice (DOJ) nga gisumite na ang resolusyon sa pipila ka reklamo batok kang Senador Joel Villanueva, may kalabotan sa iyang kalambigitan sa giingong anomalya sa flood control projects sa Department of Public Works and Highways (DPWH).
Sumala ni DOJ spokesperson nga si Atty. Polo Martinez, napasa na usab ni Villanueva ang iyang Counter-affidavit sa maong mga kaso.
Tulo ka malversation cases ang giatubang ni Villanueva human siya malambigit sa maong anomalya, partikular sa lalawigan sa Bulacan.
Gipahibalo usab sa DOJ nga puwede nilang gamiton ang report sa Senate Blue Ribbon Committee bahin sa imbestigasyon sa mga nalambigit sa flood control scandal.
Sumala ni Prosecutor General Richard Anthony Fadullon, gusto sa DOJ nga makita ang maong report aron masuta ang mga ebidensya nga nasulod niini.
Dugang pa ni Fadullon, nga kini mahimong basihan sa padayon nga imbestigasyon ug pagkuha og ebidensya sa NBI.