Tulo ka indibidwal ang samaran human mabanggaan ang ilang gisakyang motorsiklo sa usa ka truck sa Sayre Highway, Purok 1, Corner By-pass Road, Malaybalay City, Bukidnon, alas 8:10 sa buntag kagahapong adlawa Oktubre 25, 2025.
Base sa inisyal nga imbistigasyon sa Malaybalay City Police Station, ang truck naggikan sa north bound lane padulong sa By-pass Road sa Barangay Dalwangan, samtang ang motorsiklo nagbiyahe subay sa outer lane sa south bound gikan sa Cagayan de Oro City paingon sa habagatan nga bahin aksidenteng nagbangga ang duha ka sakyanan.
Ang drayber sa motorsiklo ug duha ka angkas niini nakaangkon mga samad sa kalawasan ug dali silang gidala sa balay tambalanan.
Samtang, ang drayber sa truck ug ang sakyanan nga nalambigit sa insidente anaa na karon sa kustodiya sa Malaybalay City Police Station aron sa padayon nga imbestigasyon.