Andam si Senador Raffy Tulfo nga mopahawa sa trabaho ang bisan kinsang staff nga masakpan sa ilegal nga droga. Matod pa niini, siya ug tanang staff sa opisina mopasailalom sa mandatory drug test karung adlawa ning tuiga, human sa taho nga adunay empleyado nga nasakpan naggamit og marijuana sulod sa Senado.
Giklaro sa senador nga kung ang masakpan mosugot sa rehabilitasyon ug makabawi, abli gihapon ang pultahan sa iyang opisina alang sa pagdawat pag-usab.
Sa laing bahin, si Senador Juan Miguel Zubiri usab mibutyag nga iyang suspendehon, samtang hatagan og tsansa sa rehabilitasyon ang empleyado nga magpositibo. Giinsistir usab niini nga ang senador nga masakpan angay hatagan sa higayon na dili tan-awon nga kriminal.
Dugang pas maong Senador nga ipahibalo sa publiko kung adunay magpositibo sa iyang staff apan dili kini panganlan aron maprotektahan ang maong pribasiya. Kagahapong buntaga, siya ug ang 35 ka staff mipasailalom na sa five-panel drug test.