Migradwar og Magna Cum Laude Ang triplets og Mipadayag sa ilang kalampusan ug pagpasalamat ang triplets sa mga tawo nga nahimong bahin sa ilang nakab-ot nga kalampusan nga sila Xennia May Rabay Dangaton, Lorie May Rabaya Dangaton, ug Eva May Dangaton gikan sa Jose Rizal Memorial State University, Tampilisan Campus.
Ang Dangaton triplets mao ang pinakaunang nakagradwar sa kolehiyo sa ilang pamilya.
Mapasigarbo silang miila nga ang ilang ginikanan maoy haligi sa ilang kalampusan.
Ang Dangaton sisters naandan na sa pagpanguna sa klase.
Bisan pa man wala nila giisip ang ilang kaugalingon nga labing maayong estudyante, ilang gipakita ang ilang pagkamadasigon sa pagtuon.
Ilang gihalad ang ilang paningkamot sa ilang ginikanan nga nagtudlo kanila sa bililhon nga kahulugan sa edukasyon.
Nagdako sila sa bukirang dapit sa Brgy. Mabini, Titay, Zamboanga, layo sa mga kasayon sa syudad.
Dako kini og hagit para sa ilang ginikanan, labi na sa panalapi, gumikan nga ang ilang amahan lang ang nagtrabaho.
Ang pagpaeskwela sa tulo ka anak dungan dako kaayo og gasto.
Uban moingon nga angay unta nga usa-usa lang silang gi-eskwela, apan sa pamilya Dangaton walay pinalabi.
Gitudloan sila sa ilang ginikanan nga patas ang pagtagad sa tanang anak.
Kini nga pagtulun-an ilang gisabwag hangtod sa ilang eskwelahan.
Bisan pa man sa kalisod sa kinabuhi ug kakuwang sa kwarta, ilang gisaad sa ilang kaugalingon nga makagradwar og makadawat og honors nga usa ka dugang nga ganti alang sa ilang paningkamot.
Mipili ang Dangaton triplets og Bachelor of Science in Financial Management isip ilang kurso sa kolehiyo.
Praktikal ang ilang rason diin gusto nila ipadayon ang ilang natun-an sa senior high school nga Accountancy, Business, and Management (ABM) track.