Nagpadayon ang kasamok sa nasud sa sudan samtang nagpadayon usab ang pagpamatay sa mga sibilyan sa siyudad sa el fasher, darfur region, nga gihimo sa paramilitary group nga rapid support forces (RSF).
Base sa report, usa sa pinakabag-ong krimen nga ilang gihimo mao ang pag-atake sa usa ka maternity hospital sa El-fasher niadtong milabay nga semana, diin kapin 460 ka tawo ang gipatay apil na ang mga pasyente, ilang mga kauban ug mga medical staff.
Makita sa usa ka video nga kuha gikan sa gobernador sa darfur region ang makalilisang nga hulagway sa mga biktima nga naghigda sa salog sa ospital nga puno sa dugo.Sumala sa mga testigo, naglibot ang rsf fighters sa mga balay aron pangitaon ug patyon ang mga sibilyan, lakip na ang mga kababayen-an ug kabataan.
Daghan usab ang namatay sa mga kadalanan samtang naningkamot nga makalingkawas padulong sa mas luwas nga dapit.Tungod niini, nanawagan na ang World Health Organization (WHO) alang sa dayon nga pagpahunong sa pagpamatay ug pagpanglupig sa sudan.
Samtang gihimakak sa United Arab Emirates (UAE) ang mga pasangil nga nagsuplay kini og armas sa rsf, nga giingong responsable sa kadaghanan sa mga pagpamatay.
Matod sa mga report, duha na ka tuig sukad nagsugod ang gubat tali sa rsf ug sudanese military forces kaniadtong 2023, nga miresulta sa kapin 40,000 ka patay ug 14 milyones ka displaced persons, nga gitawag sa mga humanitarian groups nga pinakagrabing krisis sa kalibutan karon