Kampyon ang delegado gikan sa St. Peter National Bukidnon sa gipahigayong National Drum & Lyre Competition 2025 sa Bacoor, Cavite. Nagpasundayag ang St. Peter National High School sa tinuod nga gahum sa kabatan-onan sa Bukidnon human nagpabiling lig-on ang pangandoy ug talento sa kabatan-onan.
Ang grupo misanong sa kompetisyon uban ang tinud-anay nga disiplina ug kaisog nga nagbunga sa daghang kadaugan. Gipangulohan sa St. Peter NHS ang kompetisyon human mapanalipdan ang Champion titles sa Best in Majorette, Drumline, Mallet, Music, Visual, Marching, Most Disciplined, ug Best in Conductor, samtang nakadaug sab sila og 1st Runner Up sa Best in Color Guard, Choreography, ug Uniform. Dili lamang kini pasidungog sa ilang eskwelahan, apan usa kini ka pahayag nga ang mga kabatan-onan sa Bukidnon aduna’y dakong kapasidad sa kalibutan sa sining ug disiplina.
Ang maong kalampusan nagapakita nga pinaagi sa determinasyon, panaghiusa, ug walay puas nga pagbansay, walay babag nga dili malabwan. Ang suporta sa mga ginikanan, magtutudlo, ug sa komunidad usa ka dakong bahin sa ilang kalampusan. Ang Department of Education sa rehiyon nagpasalamat ug misalmot sa pagpanghimatuud sa maong kadaugan. Kini nga kadaugan dili lang pasidungog, apan timaan sa pagbarug sa kabatan-onan sa Bukidnon isip ehemplo sa tibuok Mindanao.