Posibleng mameligro ang nasud sa Pilipinas sa higayon nga mahitabo ang oint development sa West Philippine sea (WPS) .
Matud ni Denmark Suede, usa ka Geopolitical Observant, nga dakong hagit ang atubangon sa soberanya sa Pilipinas kon idayon ang joint development sa West Philippine Sea tali sa China.
Gipahinumdum ni Suede ang kasaysayan niadtong 1995 kalabot sa Mischief Reef diin giangkon sa China nga alang lamang sa mga mananagat ang ilang gitukod nga istruktura, apan karon aduna na kini runway alang sa militar.
Gihulagway niini ang China nga dili angay saligan tungod kay lahi ang ilang gipanulti sa ilang gihimo sulod sa milabay nga 31 ka tuig.
Dugang pa niini, nga hugot nga gidili sa Konstitusyon sa Pilipinas ug sa Korte Suprema ang bisan unsang pagtugot sa usa ka langyaw nga nasod nga hingpit nga manag-iya o mag-explore sa mga natural resources sa nasud.
Dugang pa niini, gihatagan og gibug-aton nga ang Exclusive Economic Zone (EEZ) sa nasud, nga muabot og 200 nautical miles, hingpit nga gipanag-iya sa Pilipinas sumala sa UN Convention on the Law of the Sea (UNCLOS).
Apan gikabalak-an nga magpabilin ang tensyon tungod ang China dili gayud muila sa atong sovereign rights samtang ang Pilipinas dili usab mahimong motugot sa ilang pagpangpadaog-daog.