Gisaway ni Chairperson sa Senate Committee on Foreign Relations Sen. Erwin Tulfo, ang pipila ka mga opisyal ug personnel sa Department of Foreign Affairs kon DFA, Department of Migrant Workers, ug Overseas Workers Welfare Administration kon OWWA nga nadestino sa Middle East human gikaingong kulang sa hinanaling pagtubag sa mga Overseas Filipino Workers taliwala sa tensyon ug gubat sa rehiyon.
Sigon ni Tulfo, adunay mga OFW nga nagpaabot sa mga reklamo gumikan sa higayon nga mangayo kini og tabang aron makauli sa Pilipinas apan wala matud pay gatubag sa emergency hotlines sa maong mga ahensya.
Miluwat ang Senador nga nasabtan niini ang kabalaka sa mga opisyal ug kawani tungod sa sitwasyon sa rehiyon, apan gipadayag niini nga responsibilidad niini ang maong trabaho gumikan mas labing nanginahanglan og tabang ang mga Pilipino sa Middle East.
Dugang pa ni Tulfo, nga kung dili matud pa kaya nga barugan sa mga pipila ka opisyalis ug kawani ang mga responsibilidad niini sa kasamtangang krisis, mamahimo na lamang kining mukanaog sa pwesto kung mukalma na ang tensyon sa rehiyon.