Giandam na ni Senator Risa Hontiveros ang iyang tubag batok sa kasong harassment ug pagpanglimbong nga gisang-at batok kaniya sa kanhi testigo sa senate hearing.
Kini human mitumaw ang usa ka Michael Maurillo o alyas “Rene,” diin gibutyag niini nga gibayaran matud pa kini sa senadora nga magmugna og istorya batok kang kanhi Presidente Rodrigo Duterte, Bise Presidente Sara Duterte, ug Pastor Apollo Quiboloy.
Matud ni Hontiveros aduna silay ebidensya nga nagsuporta nga bakak lang ang mga gipamulong ni alyas “Rene.”
Dugang pa sa senadora, nga ang tanang mga testigo nga gipresentar sa senado misalmot nga boluntaryo ug wala gipugos sa ilang mga testimonya.
Pagpamatuod pa niini, adunay dokumento nga naggikan sa lain-laing ahensya sa gobyerno nga nagpalig-on sa ilang mga pasangil batok sa maong mga opisyal.
Gituohan sab sa senadora nga gibayaran ug gipaluyuhan kini ni Quiboloy aron gub-on ang reputasyon sa senado.