Gipasabot sa Department of Justice nga lahi ug bulag nga kaso ang reklamong sedisyon batok kang Vice President Sara Duterte ug ang giatubang nga impeachment complaint.
Sumala kang DOJ Spokesperson Atty. Polo Martinez, walay epekto ang sedition case sa proseso sa pagdungog sa impeachment complaint nga gisang-at batok sa bise presidente.
Dugang pa niini, nga ang impeachment complaint ug criminal complaint lahi ang kinaiyahan ug lahi usab ang pamaagi sa pagproseso niini.
Kahinumdoman nga si Vice President Sara Duterte gipasakaan og kaso sa sedisyon ug grave threats sa National Bureau of Investigation niadtong 2025, human siya nagpakita og pahayag nga giisip nga hulga sa kinabuhi ni Pangulong Ferdinand Marcos Jr., First Lady Liza Araneta-Marcos, ug kanhing House Speaker Martin Romualdez.
Ang maong pahayag gigamit usab isip usa sa basihan sa impeachment complaint nga karon ginadungog sa komite sa Kongreso.
Bisan pa niini, gipasabot sa DOJ nga dili kini makaapekto sa padayon nga mga kaso nga giatubang sa bise presidente sa ilang kagawaran.