Nagmugna og kasabutan tali sa Russia ug Ukraine sa bag-ong pagbinayluay og mga prisoners of war ug mga sibilyan.
Nahimo ang prisoner swap human sa duha ka adlaw nga peace talks taliwala sa Ukraine ug Russia ngadto na sa Abu Dhabi.
Sa kinatibuk-an, 157 ka mga Ukrainian ang nakabalik sa ilang nasud—pito kanila mga sibilyan—samtang 157 usab ka sundalong Ruso ang nakapauli na.
Kini ang unang prisoner swap sa duha ka nasud sulod sa upat ka bulan. Sa wala pa niini, adunay nahitabong mga paghisgot tali sa mga representante sa US, Russia ug Ukraine, nga tumong ang pagtapos sa upat ka tuig nga panagbangi.
Bisan pa sa makadaghang higayong negosasyon ug panagpulong, wala pa gihapon makab-ot ang klaro ug konkretong plano aron hingpit nang mahunong ang maong panagbangi.