Gitakda nga ibalhin karong adlawa sa Quezon City Jail Male Dormitory ang kanhing Senador Ramon “Bong” Revilla Jr.
Sumala sa Bureau of Jail Management and Penology (BJMP), natapos na ni Revilla ang iyang mandatory nga pito ka adlaw nga medical quarantine.
Lakip usab sa ibalhin ang upat ka kaubang akusado nga sila Engineer Brice Hernandez, Jaypee Mendoza, Arjay Domasig, ug ang accountant nga si Juanito Mendoza.
Gikumpirma ni BJMP spokesman Jail Superintendent Jayrex Bustinera ang pagbalhin sa maong mga indibidwal nga ibutang na sa general population, nga adunay tagsa-tagsa ka cell assignment base sa security, medical, ug classification assessment.
Matod pa ni Bustinera , walay nakit-an nga bisan unsang sakit kang Revilla ug sa iyang mga kauban, busa luwas silang ibalhin sa normal nga detention facility.
Mahimong maka-uban sa selda sa kanhing senador ang ordinaryong Persons Deprived of Liberty (PDL) gumikan walay gipatuman nga VIP treatment ang BJMP.