Posibleng mahimong state witness si Rep. Martin Romualdez sumala sa Department of Justice (DOJ).
Matod ni Palace Press Officer Undersecretary Claire Castro, ang DOJ maoy magrekomenda kung kwalipikado ba si Romualdez nga mahimong testigo sa kaso nga may kalabotan sa flood control scandal.
Sa pagkakaron, wala pa’y pinal nga desisyon ang Malacañang kung aprobahan ba ang maong lakang samtang naghulat pa sila sa opisyal nga rekomendasyon gikan sa DOJ.
Kahinumduman nga miatubang si Romualdez kagahapong adlawa sa Independent Commission for Infrastructure (ICI) ug nagpasalig nga buot siyang makigtambayayong sa imbestigasyon aron masuta ang kamatuoran.
Ang maong posibilidad nga mahimong state witness si Romualdez naghatag og bag-ong direksyon ug paglaum sa pagpadayon sa hustisya ug transparency sa kaso.
Nakaandam si kanhi House Speaker Martin Romualdez nga mamahimong state witness ug ipaambit sa publiko ang Statement of Accounts, Liabilities and Netwoth kon SALN niini sanglit pangitaon kini sa Independent Commission for Infrastructure sa kasamtanagang imbestigasyon sa anomaliya sa flood control projects.
Kini usa ka pamaagi matud pa isip tubag sa kongresista human giimbitahan sa pagdungog sa ICI aron ilatid ug ipaambit ang iyang kasayuran kalabot sa isyu lakip na ang personal nga kasinatian niini sa gikaingong korapsyon sama sa mga budget insertions ug pagmanipula sa pondo sa nasud.
Subay niini, hapsay ug bug-os sa kabubut-on niining ablihan ang iyang SALN sa publiko aron mapamatud-an ang iyang kaugalingon nga wala gipasipad-an ang balaod.