Gibatikos ni Caloocan 2nd District Rep. Edgar Erice an nahimong aksyon sa House Committee on Justice sa pagbasura sa impeachment complaint batok kang Pres. Ferdinand Marcos Jr., nga iyang giingong nilapas sa balaodnong proseso.
Matod ni Erice, sayop ang deklarasyon sa committee nga walay “sufficiency in substance” ang reklamo tungod kay sumala sa House rules, igo nang adunay factual allegations nga nalambigit sa corruption ug betrayal of public trust aron ipadayun kini sa hearing ug dili dayong ibasura.
Iyang gipahayag nga iyang gibotohan kontra sa committee report tungod kay wala gitugotan ang mga nagreklamo nga makapresentar og ebidensya ug testimonya, nga maoy angay buhaton aron matino ang kamatuoran, ug giingong mahimo kining madala sa Korte Suprema tungod sa grave abuse of discretion.