Napirmahan na ni Justice Secretary Jesus Crispin Remulla ang unang batch sa Immigration Lookout Bulletin Order (ILBO) batok sa mga contractors ug opisyal sa Department of Public Works and Highways (DPWH) nga nalambigit sa anomalya sa flood control projects.
Sumala ni Justice Spokesperson Mico Clavano, ang inisyal nga listahan base sa hangyo ni Senator Rodante Marcoleta gikan sa Senate Blue Ribbon Committee. Ang mosunod nga batch posibleng mapirmahan karong aldlawa Huwebes nga mao sab ang listahan nga gihangyo ni DPWH Secretary Vince Dizon.
Gipahibalo ni Dizon nga nangayo kini sa pagpagawas sa ILBO batok sa mga personalidad nga nalambigit sa giingong “ghost” flood control projects. Apil sa 20 ka personalidad nga gusto ni Dizon nga maapil sa ILBO mao ang magtiayong Discaya, Wawao Builders general manager Mark Allan Arevalo ug uban pa.
Ang ILBO nagmando lamang sa immigration officials nga bantayan ang lihok sa mga nalambigit sa listahan kon mosulod o mogawas sa nasod. Apan, dili kini mopugong sa mga nakalista sa ILBO nga mogawas sa nasod.