Putin, gipadayag ang kaandam sa pakighinabi kang Zelensky

Nagpadayag ang Presidente sa Russia nga si Vladimir Putin sa iyang kaandam nga makigkita personal sa Presidente sa Ukraine nga si Volodymyr Zelensky.

Kini nunot sa pagdasig ni US President Donald Trump nga kinahanglang mag-estoryahay ang duha.

Giingong andam kining modawat kang Zelensky nga mobisita sa Moscow.

Giklaro usab niini nga wala niini gibaliwala ang panagpulong nila ni Zelensky apan gikwestiyon lamang niini ang punto sa nahisgutang panagpulong.

Kahinumdoman nga unang nagpahigayon ang panagpulong ni Trump ug Putin diin ang Presidente sa US nagpasiugda nga ang kinahanglan mahitabo ang panagpulong..