Gipanghimakak ang moral ug sosyal nga responsibilidad sa Simbahang Katolika aron mahimong catalista sa transparency sa gobyerno ug pagpangayo og accountability batok sa korapsyon sa nasud.
Sa pakighinabi sa Bombo Radyo Malaybalay, gibutyag ni Atty. Proculo Sarmen, usa ka legal expert, nga ang kalihokan sa protesta usa ka moral ug social nga lihok tungod sa kabalaka sa nagpadayon nga korapsyon. Matod pa niya, ang maong lihok dugay na unta kining gibuhat ug angayan kaning ipadayun aron ang mga manubag angay gayud manubag sa balaod, labi na kay daghan ang gipangbulgar nga kaso sa nasud.
Gidugang pa ni Sarmen nga ang gobyerno kinahanglan molihok ug susihon ang balaod isip senyales sa accountability. Ang mga dakong kaso sa korapsyon, sama sa DPWH ug uban pang lider sa korapsyon, angay investigahan sa Ombudsman aron masiguro nga matuman ang hustisya.
Sa katapusan, gipaabot sa legal expert nga ang partisipasyon sa katawhan ug suporta sa simbahan importante aron mapadayon ang moral ug legal nga responsibilidad sa pagpangayo og transparency sa gobyerno.