Laumang mousbaw og kalit ang presyo sa manok sunod bulan gumikan sa padayon nga import ban sa manok gikan sa Brazil.
Human namatikdan ang pipila ka mga kaso sa Highly Pathogenic Avian Influenza (HPAI) o bird flu gawas sa nasud.
Gikan sa presyo nga P190 kada kilo hangtod P250 kada kilo, posibleng musaka pa kini sa mas taas pa nga kantidad.
Tungod niini, padayon ang pakigtimbayayong sa Deparment of Agriculture (DA) ug sa poultry sectors aron masabtan ug masulbad ang problema sanglit kalit mousbaw presyo sa manok.
Kahinumduman nga ang Brazil mao ang usa o top exporter sa manok sa kalibutan, nga nagahatag og 35% sa global nga supply. Ang mga nasud sama sa Tsina, European Union, ug South Korea nagpatuman usab og import bans human sa pag-uyon sa mga health protocols.
Busa usa kini ka dakong suliran sa umaabot nga mga adlaw.