Nikunhod pag-usab ang presyo sa mga produkto sa lana karong semanaha, diin gilauman makatabang sa mga konsumidor ug motorista. Base sa pahayag sa dagkong kompanya sa petrolyo, epektibo kini karong adlawa, Mayo 13, 2025, sugod alas-6 sa buntag.
Ang rollback naglakip sa mosunod, ang Diesel mikunhod ngadto sa PHP 0.80 matag litro, ang Gasolina mikunhod sab og PHP 0.60 matag litro, ug ang Kerosene miubos ang presyo matag litro sa PHP 0.50.
Ang maong pag-ubos sa presyo usa ka matang sa resulta human nga padayon nga miubos ang presyo sa lana tungod sa global supply surplus ug kakuwangon sa demand sa ubang nasud.
Gilauman sa mga motorista ug transport groups nga magpadayon ang maong trend aron makatabang sa inadlaw-adlaw nga panginahanglanon.
Sa laing bahin, gihangyo gihapon sa gobyerno ang mga kompanya sa lana nga magpadayon sa pagpatuman sa presyo nga patas alang sa tanang konsumidor.