Ilubong karong adlawa si PopeFrancis sa Vatican ug gipaabot nga modagsa ang nagkadaiyang mga lider ug mga presentante sa mga kanasuran sa kalibotan alang sa ilang kataposang pagyukbo sa lider sa Simbahang Romano Katoliko.
Gikatahong motambong sa lubong mao silang President Ferdinand Marcos Jr. ug kapikas nga si First Lady Liza Marcos. Apil sa gikatahong motambong si US President Donal Trump ug daghan pang uban ilabi ang gikan sa Europa.Ang lawas ni Pope Francis anha ilubong sa Santa Maria.Sa laing bahin, ang mga Pilipinong Cardinal dinhi sa nasud milarga na sab padung sa Vatican aron sa pagtambong sa lubong ni Pope Francis karon adlawa Sabado.
Ang mga Cardinal naglangkob nila ni Pablo Virgilio Cardinal David ug Jose Cardinal Advincula.Human sa lubong, ang tulo moapil sab nila sa Conclave of Cardinals nga mabotohay aron mopili og bag-ong Santo Papa. Si Luis Antonio Cardinal Tagle daan nga nag-una didto kay didto naman siya sa Vatican nadestino.Si Tagle maoy nangulo sa recitation sa Rosary alang sa kapahulayan nga dayon ni Pope Francis sa Basilica of St. Mary Major sa Vatican City.